Card image cap
دیگرسیاستدانوں سے بھولا بابو کو جو چیزمنفرد بناتی ہے وہ ان کی سادگی اور سہل زندگی: ڈاکٹر اکھلیش پرساد
دیگرسیاستدانوں سے بھولا بابو کو جو چیزمنفرد بناتی ہے وہ ان کی سادگی اور سہل زندگی: ڈاکٹر اکھلیش پرساد پٹنہ 24 ستمبر، ( یواین آئی )جو لوگ یہ سمجھتے ہیں کہ غربت اور نظر اندازکئے جانے سے صلاحیت کند پڑجاتی ہے، انہیں بہار کے پہلے دلت وزیر اعلیٰ آنجہانی مسٹر بھولا پاسوان شاستری جی کی زندگی کو آئینہ بنا کر اپنی سوچ کو درست کرنا چاہیے۔ بہار ریاستی کانگریس کمیٹی کے صدر ڈاکٹر اکھلیش پرساد سنگھ نے یہ باتیں بہار کے سابق وزیر اعلیٰ آنجہانی بھولا پاسوان شاستری کو یاد کرتے ہوئے اپنے پیغام میں کہیں۔ آج بہار کے پہلے دلت وزیر اعلیٰ آنجہانی بھولا پاسوان شاستری کے یوم پیدائش کی تقریب کا انعقاد کانگریس ہیڈکوارٹر صداقت آشرم میں بڑے دھوم دھام سے کیا گیا۔ بہار ریاستی کانگریس کمیٹی کے صدر ڈاکٹر اکھلیش پرساد سنگھ خرابی صحت کی وجہ سے اس میں شریک نہیں ہو سکے۔ بہار کے سابق وزیر اور کانگریس کے سینئر لیڈر کرپاناتھ پاٹھک نے پارٹی کے ریاستی صدر کی نمائندگی کی۔ ڈاکٹر اکھلیش سنگھ نے اپنے پیغام میں کہا کہ کانگریس کی یہ روایت رہی ہے کہ نظرانداز کئے گئے معاشرے کی صلاحیت کو اعزاز دیا جائے۔ یہی وجہ ہے کہ غریب اور دلت برادری سے تعلق رکھنے کے باوجود بھولا بابو 1968 سے 1972 کے درمیان تین بار بہار کے وزیر اعلیٰ بنے۔ اس سے پہلے وہ بہار میں وزیر بھی رہے اور 1973 میںمسز اندرا گاندھی نے بھی انہیں اپنی مرکزی کابینہ میں شامل کیا۔ سب کچھ ہونے کے باوجود بھولا بابو کوسیاست دانوں کی جماعت سے جو چیز الگ کرتی ہے وہ ہے ا ±ن کی سادگی اور سہل زندگی۔ وزیر اعلیٰ رہتے ہوئے بھی وہ اکثر اپنی میٹنگیں درخت کے نیچے کیا کرتے تھے اور وہیں کھردری زمین پر کمبل بچھا کربیٹھ جایا کرتے تھے۔ اس موقع پر کرپاناتھ پاٹھک نے بھولا پاسوان شاستری کی وزارت اعلیٰ کے دور کو یاد کرتے ہوئے کہا کہ میں نے اپنی زندگی میں اتنا ایماندار اور آسان رسائی والا وزیر اعلیٰ نہیں دیکھا۔ قانون ساز کونسل میں کانگریس پارٹی کے لیڈر ڈاکٹر مدن موہن جھا نے بھی بھولا بابو کو یاد کرتے ہوئے انہیں خراج عقیدت پیش کیا۔ آنجہانی بھولا پاسوان شاستری کی یادگاری تقریب کا انعقاد پٹنہ مہانگر ضلع یوتھ کانگریس کے صدر راہل پاسوان کی صدارت میں کیا گیا۔ پروگرام کی نظامت امیش کمار رام نے کی۔ اس موقع پر ایم ایل اے پرتیما کماری داس، محترمہ پونم پاسوان، لال بابو لال، غریب داس، برجیش پانڈے، پروین سنگھ کشواہا، ونود شرما، ریتا سنگھ، راجیش راٹھوڑ اور آلوک ہرش وغیرہ لیڈران خاص طور پر موجود تھے۔
  • 9/24/2023 9:47:51 PM
Card image cap
وزیر اعظم مودی خواتین ریزرویشن کے معاملے میں سنجیدہ نہیں : للن
وزیر اعظم مودی خواتین ریزرویشن کے معاملے میں سنجیدہ نہیں : للن پٹنہ، 24 ستمبر (یو این آئی) جنتا دل یونائیٹڈ (جے ڈی یو) کے قومی صدر راجیو رنجن سنگھ عرف للن سنگھ نے کہا کہ وزیر اعظم نریندر مودی خواتین ریزرویشن کو لے کر سنجیدہ نہیں ہیں اور اس سلسلے میں بل کو پاس کرانے کے لیے بلایا گیا پارلیمنٹ کا خصوصی اجلاس صرف ایک ایونٹ مینجمنٹ تھا۔ اتوار کو یہاں نامہ نگاروں سے بات کرتے ہوئے مسٹر سنگھ نے کہا کہ خواتین ریزرویشن وزیرعظم مودی کی ایک اور سیاسی نوٹنکی ہونے کی وجہ سے وہ اس معاملے پر سنجیدہ نہیں ہیں۔ انہوں نے کہا کہ اگر وزیر اعظم مودی پارلیمنٹ اور ریاستی اسمبلیوں میں خواتین کو ریزرویشن دینے میں سنجیدہ ہوتے تو وہ بہت پہلے پارلیمنٹ میں خواتین ریزرویشن بل لاچکے ہوتے اور اس کے لیے سال 20214 میں اقتدار میں آنے کے بعد ساڑھے نو سال تک انتظار نہیں کرتے ۔ جے ڈی یو کے قومی صدر نے کہا کہ پارلیمنٹ میں منظور شدہ بل کی دفعات کے مطابق اگلی مردم شماری اور حد بندی کمیشن کی رپورٹ کے بعد ہی خواتین کو ریزرویشن دیا جا سکتا ہے۔ انہوں نے الزام لگایا کہ دیگر پسماندہ طبقے (او بی سی) خواتین کو ریزرویشن دینے کا کوئی ذکر نہیں ہے، جس کا مطلب ہے کہ بھارتیہ جنتا پارٹی (بی جے پی) انہیں ریزرویشن دینے کے خلاف ہے۔ مسٹر سنگھ نے کہا کہ ذات کی مردم شماری قومی سطح پر کرائی جانی چاہئے اور ان کی پارٹی کی طرف سے کئے گئے مطالبہ کو وزیر اعظم نریندر مودی نے مسترد کر دیا ہے۔ انہوں نے کہا کہ ذات کی مردم شماری کی فوری ضرورت ہے جو ملک کی ذات پر مبنی آبادی کا تعین کرے گی اور ضرورت مندوں کو ریزرویشن دینے میں بھی مدد کرے گی۔ انہوں نے تبصرہ کیا کہ بی جے پی اپنے فرقہ وارانہ ایجنڈے کے ختم ہونے کے خوف سے ہمیشہ کی مردم شماری کے خلاف رہی ہے۔
  • 9/24/2023 9:45:51 PM
Card image cap
آدتیہ ویزن کے125ویں اسٹور کا داؤد نگر میں افتتاح
پٹنہ ، (پی این ایس ): آدتیہ ویزن کے125ویں نئے شو روم کا افتتاح این ایچ 120 وارڈ نمبر 3 ، گیا روڈ ، داؤد نگر (اورنگ آباد ) میں ہوا۔ آدتیہ ویزن صارفین مشینوں کے لئے بہار کا ایک قابل اعتماد اور اپنی بہترین سروس اور شاندار آفر کے لئے جانا ہوا نام ہے۔ آدتیہ ویزن کا منتر ہے۔ ادا کرے چھوٹے قسطوں میں صرف اصل ، سود جائےبالکل بھول ۔ آدتیہ ویزن بہار میں 30 برسوں سے صارفین کی خدمت میں ہے۔شو روم کے افتتاح کے موقع پر آدتیہ ویزن کےسنیئر افسر نشانت پربھاکر نے بتایا کہ یہاں 36 آسان ماہانا قسطوںپر سود سے پاک فائننس کی سہولت ہم مہیا کرا رہے ہیں اور ڈیبیٹ کارڈ کے ذریعہ پیپر لیس فائننس کی سہولت دستیاب کرا رہے ہیں۔ آدتیہ ویزن صارفین کو زیرو روپے ڈاؤن پیمنٹ پر اپنا پسندیدہ پروجکٹ گھر لے جانے کے ساتھ ساتھ ہاتھوں ہاتھ ڈیلوری اور موبائل پر سپر ایکسچنج آفر مہیا کر ارہا ہے۔ جس کے تحت صارفین اپنے پر انے کسی بھی الیکٹرانک مشین کی اچھی قیمت حاصل کر کے نیا لے جا سکتے ہیں۔ یہاں ایچ ڈی ایف سی ، آئی ڈی ایف سی فرش، ایچ ڈی وی اور بزاج فائننس کے ذریعہ ہاتھوں ہاتھ آسان قسطوں میں سبھی مشینوںکے لئے قرض سہولت دستیاب ہے۔ جس کے تحت بزاج فائنس کی صارفین کےلئے ایک ای ایم آئی آدتیہ ویزن دے گا۔ آدتیہ ویزن بہار کا الیکٹرونک ریٹین چین ہے جہاں عام طور پر سبھی بڑی کمپنیوںکے ہوم اپلائنس جیسے ایل جی ، سیمسنگ ، سونی ، ورلڈ پل ، وولٹاس، بلو اسٹار، ہیولس ، رائڈ ، ہائیر ، گودریج وغیرہ کی سبھی اشیا دستیاب ہے۔ آدتیہ ویزن کے ڈائریکٹر نشانت پربھاکر نے بتایا کہ آدتیہ ویزن ببمئی اسٹاک ایکسچنج میں بہار کا سب سے پہلا فہرست زدہ الیکٹرانک ریٹیل چین ہے۔ آدتیہ ویزن کے صار ہیلپ لائن آدتیہ سیوا کے افسر ہفتہ کے ساتوں دن صارفین کی مدد کےلئے موجود رہتے ہیں۔ زیادہ جانکاری کےلئے آدتیہ ویزن کا آدتیہ سیوا نمبر 9955555544دستیاب ہے۔
  • 9/23/2023 10:21:25 PM
Card image cap
آدتیہ ویزن پر ایپل 15 کی دھوم
پٹنہ ، 22 ستمبر (پی این ایس ):ایپل کے جدید آئی فون 15 سیریز کی ڈیمانڈ اتنی زیادہ ہے کہ ایپل کی دیوانوں نے صبح 8 بجے سے ہی اسٹور کے باہر لائن لگا دی تھی۔ آدتیہ ویزن نے بھی اپنے وعدے کو پورا کرتے ہوئے جمعہ سے آئی فون 15 سیریز کی ڈیلوری شروع کر دی ہے ۔ آدتیہ ویزن بہار کی پہلی ریٹیل کمپنی ہے جو آئی فون 15 سیریز کی ڈیلوری سب سے پہلے دے رہی ہے۔ آئی فون 15 سیریز آدتیہ ویزن کی ہر شاخ پر دستیاب ہے۔ پٹنہ کنکڑ باغ باشندہ سونی سنگھ آئی فون 15 پرومیکس کے بہار کے پہلے خریدار ہے۔ انہوں نے آدتیہ ویزن کا شکریہ ادا کرتےہوئے کہا کہ وہ ہر سال ایپل کا نیا فون آدتیہ ویزن سے ہی خریدتے ہیں اور پری بیکنگ کرا کر بہار میں آئی فون سیریز کے پہلے خریدار بنتے ہیں۔ آئی فون 15 سیریز کی قیمت 80 ہزار سے ایک لاکھ 99 ہزار تک ہے۔
  • 9/22/2023 10:29:32 PM
Card image cap
وی آئی پی علاقہ میں 3 دکانوں میں چوری
پٹنہ22 ستمبر (پی این ایس): ان دنوں راجدھانی پٹنہ میں چوروں کے حوصلے بلند ہیں۔ چور بغیر کسی خوف کے جرائم کر رہے ہیں۔ شہر کے پوش علاقے میں چوری کی وارداتیں کر رہے ہیں۔ تازہ معاملہ شاستری نگر تھانہ علاقے میں واقع بیلی روڈ کیشو پیلس کا ہے۔ جہاں چور ساڑھیوں کے شو روم، کاسمیٹک شو روم اور الیکٹرانک گیجٹس کے شو روم کے تالے توڑ کر فرار ہو گئے۔ سکریٹریٹ کے ڈی ایس پی سمیت شاستری نگر تھانہ انچارج اور ایف ایس ایل ٹیم موقع پر پہنچ گئی ہے اور معاملے کی تحقیقات میں مصروف ہے۔واقعہ کے بارے میں بتایا جاتا ہے کہ بیلی روڈ پر پلر نمبر 18 کے قریب کیشو پیلس کے گراؤنڈ فلور پر واقع راجستھان ساڑی شو روم کی دکان کھولنے کے لیے جب مالک اور ملازمین آئے تو وہاں کا نظارہ دیکھ کر ہر کوئی حیران رہ گیا۔ دراصل، چوروں نے ایک دکان سے نہیں بلکہ تین قریبی دکانوں سے چوری کی۔ جس میں ساڑھی شو روم، کاسمیٹک شو روم اور الیکٹرانک گیجٹس کے شو روم کو نشانہ بنایا گیا اور ان کے شٹروں کے نصف درجن تالے کٹر سے کاٹ کر چوری کر لیے گئے۔واقعہ کی اطلاع ملتے ہی سکریٹریٹ ڈی ایس پی سشیل کمار خود فرانزک ٹیم کے ساتھ جائے وقوعہ پر پہنچے اور چوری کے واقعہ کی تحقیقات میں مصروف ہیں۔ فی الحال بتایا جا رہا ہے کہ ایک ساڑھی اور کاسمیٹک شوروم میں چوری کی واردات ہوئی ہے۔ الیکٹرانک گیجٹس کی دکان میں چوری کی واردات کے دوران دکان میں نصب سیکورٹی کور کی آواز سن کر چور ہوشیار ہو گئے اور فرار ہو گئے۔ ویسے بھی تین دکانوں میں کتنی چوری ہوئی ہے؟ پولیس ابھی نہیں بتا رہی۔ پولیس نے جائے وقوعہ پر نصب سی سی ٹی وی کیمروں کو اسکین کرکے چوری کی شناخت کرنے کی کوشش شروع کردی ہے۔
  • 9/22/2023 10:28:26 PM
Card image cap
تعلیمی مرکز ۔ وکاس متروں کی تنخواہ دوگنی کرنے پر نتیش ۔ تیجسوی کا قاری صہیب نے شکریہ ادا کیا
تعلیمی مرکز ۔ وکاس متروں کی تنخواہ دوگنی کرنے پر نتیش ۔ تیجسوی کا قاری صہیب نے شکریہ ادا کیا پٹنہ20 ستمبر (یواین آئی) راشٹریہ جنتادل کے رکن قاری صہیب نے تعلیمی مرکز - ٹولہ سیوک۔ وکاس متر کی تنخواہ دوگنا کرنے پر وزیر اعلیٰ نتیش کماراور نائب وزیر اعلیٰ تیجسوی یادو کو مبارک باد پیش کی ہے، واضح ہو کابینہ کے اجلاس میں ہوئے فیصلے کے مطابق وکاس متروں کے اعزازیہ میں اضافہ کیا گیا ہے۔ وکاس متروں کا اعزازیہ اب 13,700 روپے سے بڑھا کر 25,000 روپے کردیا گیا ہے اور اس میں ہر سال 5 فیصد کا اضافہ ہوگا۔ اس وقت بہار میں 9825 وکاس متر ہیں۔ اس کے علاوہ مہادلت ٹولہ میں تعلیم دینے والے شکشا سیوک اور تعلیمی مرکز کے اعزازیہ کو بڑھا کر 22000 روپے کردیا گیا ہے، یکم جولائی سے ہر سال 5 فیصد کا اضافہ ہوگا، قاری صہیب نے کہا میں نے کئی بار قانون ساز کونسل میں تعلیمی مرکز کے معاملے کو اٹھا کر حکومت سے جواب طلب کیا اور وزیر اعلیٰ نتیش کمار - نائب وزیر اعلیٰ تیجسوی یادو کو خط لکھا جس پر سنجیدگی سے غور کیا گیا اور بالآخر حکومت نے فیصلہ لیتے ہوئے انہیں وہ عزت بخشی جس کے وہ حقدار تھے، راجد لیڈر نے کہا کہ حکومت اقلیتوں کی تعلیم و ترقی کے تئیں سنجیدہ ہے اور گاہے بگاہے میں اقلیتوں کے مسائل کو لیکر تیجسوی یادو سے ملاقات کرتا ہوں تاکہ اقلیتی برادری کو ان کا آئینی حق مل سکے، اردو معاون مترجم کی تقرری سمیت دیگر معاملات پر تیجسوی یادو سے تبادلہ خیال جاری ہے اورجلد ہی بہتر فیصلے کی امید ہے۔
  • 9/20/2023 10:11:46 PM
Card image cap
پی جی آئی چندی گڑھ کےڈاکٹروں کی ٹیم پٹنہ میں آنکھوں کا علاج کرے گی
پٹنہ20 ستمبر (پی این ایس): مریضوں کے مفاد میں پہل کرتے ہوئے بدھ کو پٹنہ کے کنکڑ باغ کے قریب منا چوک میں دیویتا آئی ہسپتال کا افتتاح پی جی آئی چنڈی گڑھ کے تجربہ کار سابق ڈاکٹروں کی ایک ٹیم نے کیا۔ اس اسپتال کا افتتاح پروگرام کے مہمان خصوصی جے ڈی یو کے ریاستی صدر امیش کشواہا، مہمان خصوصی مشہور آنکھوں کے ڈاکٹر ڈاکٹر سنیل سنگھ، دیویتا آئی اسپتال کے ڈائریکٹر ڈاکٹر وجے کمار شرما اور ڈاکٹر انجو نے مشترکہ طور پر کیا۔ پروگرام میں موجود مہمانوں نے ڈاکٹر وجے شرما کی پوری ٹیم کو اس نیک اقدام کے لیے نیک خواہشات کا اظہار کیا۔ اس موقع پر موجود پی جی آئی چنڈی گڑھ سے 11 سال کا تجربہ رکھنے والے ملک کے مشہور آنکھوں کے ڈاکٹر ڈاکٹر وجے کمار شرما نے کہا کہ دیویتا آئی ہسپتال ہماری ریاست کے لیے وقف کردہ ہماری ایک چھوٹی سی کوشش ہے۔ انہوں نے بتایا کہ یہاں پی جی آئی چندی گڑھ کے تجربہ کار ڈاکٹروں کے ذریعے جدید ترین مشینوں سے آنکھوں کا علاج کیا جائے گا۔ اس ہسپتال میں بین الاقوامی سطح کا آپریشن تھیٹر، آئی او پی ڈی، آئی وارڈ، آپٹیکل شاپ وغیرہ جیسی سہولیات موجود ہیں۔ یہاں، مریض آنکھوں کی پیچیدہ ترین بیماریوں کا علاج کر سکتے ہیں جن میں کارنیا، گلوکوما، موتیابند، ریٹینا، سٹرابزم، آئی بینک، پیڈیاٹرک آپتھلمولوجی، نیورو اوپتھلمولوجی اور آنکھوں کی دیگر پیچیدہ بیماریوں کا علاج کم قیمت پر ہو سکتا ہے۔ ڈاکٹر انجو نے کہا کہ آنکھیں ہمارے جسم کا سب سے نازک حصہ ہیں، اس لیے ان کا خیال رکھنا بہت ضروری ہے۔ اگر آنکھوں میں معمولی سا بھی مسئلہ ہو تو اسے نظر انداز نہ کریں اور فوری طور پر کسی اچھے ڈاکٹر سے رجوع کریں۔ اس پروگرام میں شہر کے آئی ڈاکٹرس بشمول ڈاکٹر نیرج، ڈاکٹر آنند، دیویتا آئی اسپتال کے ڈاکٹر ساحل جین موجود تھے۔
  • 9/20/2023 10:09:29 PM
Card image cap
کئی پولیس سب انسپکٹروںکو دیا گیا پرموشن
پٹنہ،20 ستمبر (پی این ایس ):سروس کمیشن کے تحت بہار پولیس میں کام کرنے والے 12 پولیس سب انسپکٹرز کو اعلیٰ چارج پر پولیس انسپکٹر کے عہدے پر ترقی دی گئی۔ اس موقع پر تمام نئے ترقی پانے والے پولیس انسپکٹرز کو کمیشن کے چیئرمین کے ایس دویدی نے بدھ کو منعقدہ تقریب میں اعزاز سے نوازا۔ نئے ترقی پانے والے پولیس انسپکٹر شیلیندر کمار پانڈے، پراویر کمار، منیش کمار، رنجن شرما وغیرہ شامل تھے۔
  • 9/20/2023 10:08:57 PM
Card image cap
گول انسٹی ٹیوٹ کے زیر اہتمام میڈیکل نیٹ کی تیاری سے متعلق سیمینار کا انعقاد
پٹنہ، 20 ستمبر (پی این ایس ):میڈیکل نیٹ کی تیاری کے لئےگول انسٹی ٹیوٹ کی جانب سےپٹنہ کے شری کرشن میموریل ہال میں سیمینار کا انعقاد کیا گیا۔ سیمینار کا انعقاد دو نشستوں میں کیا گیا جس میںہزاروںٗ طلبا نے حصہ لیا۔ طلبا کو رہنما ہدایت دینے کے لئے آن لائن زوم کے توسط سے ٹاپرس کلب کے ایمس دہلی میں دوسرے سال کے زیر تعلیم طالب علم دیپک ساہو اور فرسٹ ایئر میں تعلیم حاصل کر رہے پارتھ کھنڈیلوال نے ماک ٹیسٹ اور ٹائم منیجمنٹ کےفائدے بتائے۔ سیمینار میں ایمس پٹنہ کے پہلے سال کے طالب علم ستیم برنوال، سوئتا کماری، روہت کمار، امن راج ، پروین کمار سنگھ اور سرشتی کماری نے گول انسٹی ٹیوٹ میںتیاری سے متعلق اپنے تجربہ کا ساجھا کیا اور طلبا کو خصوصی طریقے بتائے۔ طلبا سے خطاب کرتے ہوئے گول انسٹی ٹیوٹ کے منیجمنگ ڈائریکٹر ویپن سنگھ نے کہا کہ اگر طالب علم روزانہ، ہر ہفتے اور ہر ماہ کا نشانہ متین کر کے ہر روز اپنے نشانہ کو پانے کی کوشش کرے تو میڈیکل کے کمپیٹیشن میں کامیابی ملے گی۔ اس کےلئے کوئی مشکل نہیں ہے۔ انہوں نے کاہ کہ این سی ای آر ٹی کی کتابوں سے تیاری کریں ۔ آبجکٹیو سوالات بناتے رہیں اور آخری وقت میں نئی کتابوںکا سلیکشن نہ کریں۔ ٹیسٹ کے ذریعہ اپنی تیاری کے لیورل کی جانچ کرتے رہیں۔ ہمیشہ کنفیڈنس رہیں۔ تیاری کے دوران مثبت سوچ رکھیں۔ گول انسٹی ٹیوٹ کے اسسٹنٹ ڈائریکٹر رنجن سنگھ نے ٹائم منیجمنٹ کی اہمیت پر زور دیا اور سبھی طلبا سے کہا کہ ایک مقرر وقت تک پڑھیں۔ طلبا کے درمیان گورو سنگھ، سنجیو اور وینت نے بھی اپنے تجربہ کو ساجھا کیا اور بتایا کہ گول انسٹی ٹیوٹ طلبا کو کامیابی دلانے کے لئے ہر ممکن مدد کرنے کے لئے پابند عہد ہے۔ پروگرام میں گول انسٹی ٹیوٹ کے نیروج سنگھ، نیکت وردھن ، سنجیت کمار، راہل وغیرہ بھی موجود تھے۔
  • 9/20/2023 10:08:03 PM