Explain:

پٹنہ سیٹی،24؍ستمبر(آرہ فاطمہ) عظیم اتحاد کے لیڈران کی میٹنگ پٹنہ میونسپل کارپوریشن کے عظیم آباد زون کے ای او کی من مانی اور سرکاری اسکیم (کبیر انتیشتی یوجنا) سمیت دیگر اسکیموں پر عمل درآمد نہ کرنے اور ہڑتال کی وجہ سے ڈینگو کے بڑھتے ہوئے پھیلاؤ کے پیش نظر منعقد ہوئی۔ میونسپل کارپوریشن کانگریس کے سینئر لیڈر اور سابق امیدوار محمد پرویز احمد نے صدارت کی جبکہ یہ کارروائی آر جے ڈی کے سابق ریاستی جنرل سکریٹری اور سابق کونسلر بلرام چودھری نے کی۔ میٹنگ میں کانگریس کے سابق امیدوار پرویز احمد نے کہا کہ ایسے عہدیدار جو اسکیموں سے غریبوں کو نظر انداز کررہے ہیں وہ حکومت مخالف ہیں۔ حکومت ایسے افسر کو فوری طور پر برطرف کرے۔ بلرام چودھری نے وزیر اعلیٰ نتیش کمار اور نائب وزیر اعلیٰ تیجسوی یادو سے مطالبہ کیا کہ ایسے غیر حساس ایگزیکٹیو افسر کو فوری طور پر برخاست کیا جائے اور کبیر انتیشتی یوجنا کے لیے فنڈ جلد از جلد 75 وارڈوں میں دستیاب کرائے جائیں۔ آر جے ڈی لیڈر محمد جاوید، سی پی آئی لیڈر دیورتن پرساد، آر جے ڈی کے سابق ریاستی جنرل سکریٹری رجنیش رائے، پشنار ایسوسی ایشن کے صدر امود کمار، شتروگھن یادو، شمبھو شرن پرساد، پرمود کمار سنہا، اعجاز الدین عرف سانو، شاہین انور، شبیر عالم، دیویندر رائے، بھولٹن مہتو، محمد شیرو، رمیش کمار، امن کمار وغیرہ میٹنگ میں موجودتھے۔ لیڈران نے کہا کہ حکومت غریبوں کے لیے اسکیمیں بناتی ہے اور ایسے بدعنوان اہلکار اسکیم کو نافذ کرنے میں کوئی دلچسپی نہیں دکھاتے جو کہ قابل مذمت ہے۔ رہنماؤں نے حکومت سے مطالبہ کیا کہ سوشل سیکورٹی پنشن کی رقم بڑھا کر 3000 روپے ماہانہ کی جائے۔

Developed by WebsMaps Solution

For Website Development Contact us

عظیم اتحاد کے لیڈران نے ایکزیکیوٹیوافسرکو معطل کرنے کا مطالبہ کیا

Explain:

Developed by WebsMaps Solution