Explain:

پٹنہ،18؍ستمبر(پی این ایس) پٹنہ میں سڑک کے کنارے ایک نامعلوم لڑکی کی لاش بوری میں بند ملی ہے۔ گینگ ریپ کے بعد قتل کا شبہ ہے۔ یہ واقعہ بیہٹا تھانہ علاقہ کے باجیت پور گاؤں میں پیش آیا۔ معاملے کی اطلاع ملتے ہی پولیس کی ٹیم موقع پر پہنچ گئی۔ لاش کو تحویل میں لے کر پوسٹ مارٹم کے لیے اسپتال بھیج دیا گیا ہے۔ مزید کارروائی کی جا رہی ہے۔ لاش تین سے چار دن پرانی ہے۔ پوسٹ مارٹم رپورٹ آنے کے بعد ہی قتل کی وجوہات سامنے آئیں گی۔ متوفی کی تاحال شناخت نہیں ہو سکی ہے۔ واقعہ کے بارے میں بتایا جا رہا ہے کہ اتوار کی صبح مقامی لوگوں نے سڑک کے کنارے ایک بوری دیکھی جس سے بدبو آ رہی تھی۔ پولیس کو اس کی اطلاع دی گئی۔ لوگوں کا کہنا ہے کہ لاش کہیں اور سے لائی گئی اور ثبوت چھپانے کے لیے یہاں پھینک دی گئی۔ موقع پر پہنچے بیہٹا تھانے کے ایس آئی آر کے ورما نے بتایا کہ باجیت پور کے قریب سڑک کے کنارے ایک جھاڑی سے لڑکی کی لاش برآمد ہوئی ہے۔ لاش کو تحویل میں لے کر پوسٹ مارٹم کے لیے دانا پور اسپتال بھیج دیا گیا ہے۔ موقع سے کوئی شناختی کارڈ نہیں ملا۔ موت کیسے ہوئی اس کی تصدیق پوسٹ مارٹم رپورٹ آنے کے بعد ہو گی۔ پولس ٹیم سبھی پہلوئوں پر تفتیش کر رہی ہے۔ رپورٹ آنے کے بعد واقعہ کا انکشاف ہوگا اور پولس ملزمین کی گرفتاری کیلئے مناسب کارروائی کرے گی۔ وہیں مقامی لوگوں نے کا کہنا ہے کہ آئے روز قتل کا معاملہ پیش آرہا ہے جس سے پولس انتظامیہ پر کہیں کہیں سوال اٹھ رہے ہیں۔

Developed by WebsMaps Solution

For Website Development Contact us

بوری میں بند لڑکی کی لاش برآمد، قتل کا اندیشہ

Explain:

Developed by WebsMaps Solution