فائنانس کمپنی کے عملہ سے 20لاکھ روپئے کی لوٹ

Local news

4.7(11536)

Share Now   

Share At:

Explain:

پٹنہ،07ستمبر(ذوالقرنین؍آرہ فاطمہ) راجدھانی میں نقدی لوٹنے کا بڑا واقعہ پیش آیا ہے۔ جرائم پیشوں 20 لاکھ 70 ہزار روپے لوٹ کر لے گئے۔ نقدی ڈکیتی کی واردات ایک فنانس کمپنی کے منیجر اور اسسٹنٹ منیجر کے ساتھ کی گئی۔ جمعرات کو دن کی روشنی میں یہ واقعہ سامنے آنے کے بعد سے ہلچل مچ گئی ہے۔ پٹنہ پولیس نے معاملے کی تحقیقات کے لیے اپنی اسپیشل سیل ٹیم کو تعینات کیا ہے۔ یہ واقعہ پٹنہ کے اگم کنواں تھانہ علاقے کے تحت بھوت ناتھ روڈ پر پیش آیا۔ جرائم پیشہ دو مختلف موٹر سائیکلوں سے آئے تھے جو ڈکیتی کی واردات کے بعد باآسانی فرار ہوگئے۔ پورا معاملہ اگم کنواں تھانے کے تحت بدھ بہار کالونی کا ہے۔ اس علاقے میں بھارت فائنانس انکلوژن لمیٹڈ کی ایک شاخ ہے۔ رنجیت کمار اس کے برانچ منیجر ہیں اور نتیش کمار اسسٹنٹ برانچ منیجر ہیں۔ پولیس کے مطابق آج صبح دونوں بیگ میں نقدی لے کر باہر آئے۔ دونوں بھوت ناتھ روڈ پر یونین بینک آف انڈیا کی برانچ میں نقدی جمع کرانے جارہے تھے لیکن اس سے پہلے کہ وہ بینک پہنچ پاتے، جرائم پیشوں نے دونوں کو گھیر لیا اور ڈکیتی کی واردات کو انجام دیا۔ ایک خاتون نے سارا واقعہ دیکھا اس کے مطابق، یہ صبح تقریباً 11 بجے ہوا۔ موٹر سائیکل پر دو مجرم سوار تھے۔ فنانس کمپنی کے آدمی کو پستول سے مارا گیا۔ اس کے بعد بیگ چھین لیا گیا۔ اس کے بعد دونوں مجرم مختلف سمتوں میں فرار ہوگئے۔ واقعہ کے وقت علاقے میں خاموشی چھائی ہوئی تھی۔ سڑک پر صرف ایک یا دو لوگ تھے۔ مجرموں کے فرار ہوتے ہی نقدی ڈکیتی کی اطلاع تھانہ اگم کنواں کی پولیس کو دی گئی۔ پولیس کی ایک گشتی ٹیم پہلے موقع پر پہنچی۔ اس کے بعد ایس ایچ او سدھیر کمار اور ان کی ٹیم نے تفتیش شروع کر دی۔ اس کے بعد ایس ایس پی راجیو مشرا نے اسپیشل سیل کو تعینات کیا۔ بعد میں سٹی ایس پی ایسٹ سندیپ سنگھ کی طرف سے ایک بیان جاری کیا گیا۔ ان کے مطابق واقعے کی تحقیقات شروع کر دی گئی ہیں۔ مجرموں کی شناخت اور گرفتاری کے لیے فنانس کمپنی کی برانچ اور کرائم سین کے درمیان نصب سی سی ٹی وی کیمروں کو اسکین کیا جا رہا ہے۔