Explain:

نئی دہلی،25فروری(ایجنسی):قومی دارالحکومت دہلی میں واقع تاریخی جامع مسجد کے شاہی امام کے طور پر سید اسامہ شعبان بخاری کی تاج پوشی ان کے والد اور طویل عرصے سے دہلی جامع مسجد کے امام و خطیب کے فرض منصبی پر فائز مولانا سید احمد بخاری نے کی۔ شعبان بخاری جامع مسجد دہلی کے چودہویں امام و خطیب ہوں گے۔ اتوار کو بعد نماز عشاء جامع مسجد میں شعبان بخاری کے سر پر روحانی ماحول میں دستار باندھی گئی۔اس تقریب میں ملک اور بیرون ممالک کی نامور شخصیتیں شریک ہوئیں جنہوں نے شعبان بخاری کو دہلی جامع مسجد میں نئے شاہی امام کے طور پر تاج پوشی کے لیے مبارکباد پیش کی۔ واضح ہو کہ اس سے قبل وہ دہلی جامع مسجد میں ہی نائب امام کے عہدے پر فائز تھے۔ شب برات کے موقع پر ان کی دستار بندی کے لیے منعقد تقریب میں کثیرتعداد میں علمائے کرام شریک ہوئے۔ایمیٹی یونیورسٹی سے سوشل ورک میں ماسٹر ڈگری رکھنے والے شعبان بخاری کو 2014 میں نائب امام بنایا گیا تھا۔ وہ عالم اور فاضل بھی ہیں۔

Developed by WebsMaps Solution

For Website Development Contact us

شعبان بخاری جامع مسجد دہلی کے نئے امام

Explain:

Developed by WebsMaps Solution