Explain:

نئی دہلی،25فروری(ایجنسی):ممنوعہ تنظیم سیمی سے وابستگی اور اس تنظیم میں بطور رکن کام کرنے کے الزام میں حنیف شیخ کو پولس نے 22 فروری کو گرفتار کرلیا۔اسے بھوساول سے پولس نے اپنی گرفت میں لیا۔ پولس ذرائع نے دعویٰ کیا کہ ملزم حنیف نے اپنی شناخت محمد حنیف کے طور پر تبدیل کرلی ہے اور وہ مہاراشٹر کے بھوساول میں ایک اردو اسکول میں ٹیچر ہے۔ حنیف شیخ نے 1997 میں مارول جلگائوں سے ڈپلوما کیا تھا اور اسی دوران سیمی میں شامل ہوگئے ۔ وہ سیمی میں کُل مدتی کارکن کے طور پر کام کرتے تھے اور انتہاپسند بن گئے تھے۔سیمی میں شامل ہونے کے بعد وہ اس کے ہفتہ واری پروگرام میں شرکت شروع کردی تھی۔ وہ سیمی کی میگزین اسلامک موومنٹ کے اردو ایڈیشن میں ایڈیٹر بھی تھے اور گذشتہ پچیس سال سے سرگرم رہے۔4 سال سے پولس کی ٹیم ان کا تعاقب کر رہی تھی۔وہ مہاراشٹر کے بھوساول کے رہنے والے تھے۔ اسپیشل سیل کے ڈی سی پی انکت سنگھ نے دعویٰ کیا کہ ملزم حنیف شیخ پر ملک مخالف سرگرمیوں میں ملوث رہنے کا الزام ہے۔

Developed by WebsMaps Solution

For Website Development Contact us

سیمی رکن حنیف شیخ بھوساول سے گرفتار

Explain:

Developed by WebsMaps Solution