Explain:

سمستی پور(تنویر عالم تنہا) فری فائر گیم کھیلتے ہوئے دوسری ریاستوں کے لڑکوں سے دوستی کرنے کے بعد ضلع کے ویبھوتی پور تھانہ علاقے کے کلیان پور سے اسکول جاتے ہوئے لاپتہ ہونے والی ایک ہی خاندان کی چار لڑکیوں کو پولیس نے پونے سے ایک اور لڑکی کے ساتھ برآمد کیا ہے ساتھ ہی اس واقعے میں ملوث چار نوجوانوں کو گرفتار کیا گیا ہے۔ اس ضمن میں روسرا ڈی ایس پی شیوم کمار نے بتایا کہ 2 فروری کو ویبھوتی پور تھانہ علاقے کے کلیان پور سے ایک ہی خاندان کی چار لڑکیاں اسکول جاتے ہوئے لاپتہ ہوگئی تھیں، جس کے بعد اہل خانہ نے مقدمہ درج کرایا تھا۔ ڈی ایس پی شیوم کمار نے بتایا کہ مقدمہ درج ہونے کے بعد ایک ٹیم تشکیل دی گئی اور تحقیق کرتے ہوئے تمام لڑکیوں کو پونے سے بحفاظت بازیاب کرالیا گیا ساتھ ہی واقعے میں ملوث چار نوجوانوں کو بھی گرفتار کرلیا گیا ہے۔گرفتار نوجوانوں نے دوران تفتیش بتایا کہ ہم لوگ فری فائر گیم کھیلتے تھے۔ بات چیت کے دوران ان کی دوستی ہوگئی، فری فائر گیم کھیلتے ہوئے ویبھوتی پور تھانہ علاقہ کے کلیان پور گاؤں کی ایک لڑکی سے ایک نوجوان کی دوستی ہوگئی، پھر دونوں کے درمیان بات چیت شروع ہوگئی۔ اس دوران نوجوانوں نے دیگر تین لڑکیوں سے دوستی کی اور انہیں ورغلایا، تحقیق کے دوران معلوم ہوا کہ یہ تمام لاپتہ لڑکیاں پنجاب کے راج پورہ میں ہیں اور وہاں سے وہ مہاراشٹر کے پونے جا رہی تھیں، بعد ازاں تمام لاپتہ ہو گئیں۔ لڑکیوں کو پولیس ٹیم نے بازیاب کرایا، اس دوران ایک اور لڑکی بھی بازیاب ہوئی ہے۔

Developed by WebsMaps Solution

For Website Development Contact us

ایک ہی کنبہ کے 4لاپتہ لڑکیوں کو پولیس نے پونا سے برآمد کیا

Explain:

Developed by WebsMaps Solution